САД ќе продолжат да го бранат Израел од напади, рече Блинкен, додавајќи дека сите во регионот треба да ги разберат ризиците од ескалација на ситуацијата Соединетите Американски Држави преедупредија дека конфликтот на Блискиот Исток не смее да ескалира. Регионот се подготвува за нов потенцијален бран напади од Иран и неговите сојузници по убиство на високи членови на милитантните групи Хамас и Хезболах, пишува Гардијан. „Бевме ангажирани во интензивна дипломатија со сојузниците и партнерите, пренесувајќи порака директно до Иран. Таа порака директно ја соопштивме и на Израел“ вели Антоно Блинкен, државниот секретар на САД.
САД ќе продолжат да го бранат Израел од напади, рече Блинкен, додавајќи дека сите во регионот треба да ги разберат ризиците од ескалација на ситуацијата. „Понатамошните напади само го зголемуваат ризикот од опасни исходи“, кажа Блинкен. Во меѓувреме, Хамас го именуваше Јахја Синвар за нов шеф на своето политичко биро, по атентатот во Техеран на неговиот претходен политички лидер. Назначувањето на Синвар беше објавено во вчерашната кратка изјава на Хамас, која беше емитувана на про-Хамас иранските државни медиумски канали. Синвар се смета за организатор на нападот во Израел од 7 октомври минатата година. Тој е главен носител на одлуките во групата во Газа и се верува дека има контрола над околу 120 израелски заложници кои сè уште се во притвор на Хамас.
