Соединетите Американски Држави го избришаа Антал Роган, шефот на кабинетот на унгарскиот премиер Виктор Орбан, од списокот на санкционирани лица, објави американското Министерство за финансии, пренесе „Ројтерс“. Во јануари, администрацијата на поранешниот претседател Џо Бајден му воведе санкции за Роган поради неговата наводна вмешаност во креирањето на шеми за контрола на неколку стратешки сектори на унгарската економија. Унгарскиот министер за надворешни работи Петер Сијарто тогаш ја нарече одлуката на САД за санкционирање на Роган „лична одмазда“ на тогашниот американски амбасадор во Будимпешта, Дејвид Пресман.
Пресман постојано повторуваше дека е време Будимпешта да го избере својот иден пат и повика на зајакнување на врските на Унгарија со нејзините западни сојузници. Поранешниот амбасадор го критикуваше и Сијарто за неговите патувања во Москва и Минск, а властите во Унгарија ги обвинуваше дека ги игнорираат интересите на своите сојузници од НАТО и ги зајакнуваат врските со Русија.
