Откако Полска го објави својот план да го обучува секој возрасен маж за војна, да се биде полски државјанин не е исто, дури ни ако сте холивудска ѕвезда, останува отворено прашањето дали Полска се подготвува за војна. „Навистина нема од што да се плашиме! Полскиот премиер Доналд Туск го задева американскиот актер Џеси Ајзенберг на социјалните мрежи, пишува Politico. Ајзенберг (41) претходно овој месец доби полско државјанство за неговата улога во „Вистинска болка“, драма за двајца братучеди кои патуваат во Полска за да и оддадат почит на нивната неодамна почината баба. Неколку дена откако Ајзенберг доби полски пасош, Туск ги откри воените планови. „Ќе ви ја дадеме потребната обука за да станете новиот Џејмс Бонд. Улогата е ваша! – изјави Туск. Полскиот премиер истакна дека обуката е доброволна. Полска помина речиси два века како колонија на Москва. Дури и пред војната во Украина, имаше одреден степен на претпазливост кон Русија, која инвазијата само ја зголеми. „ Воената обука ќе биде доброволна“, изјави за Политико началникот на Генералштабот на полските вооружени сили, генерал Вислав Кукула. Во меѓуврем многу граѓани се решени да се пријават на таа воена обука
„Навистина сакам да поминам низ обука, и ако дојде до тоа, поттикнато од омразата кон (рускиот претседател Владимир) Путин, сакам да го бранам мојот дом, да пукам во нив и да им го направам животот пекол“, рече Марек, 37-годишен медиумски продуцент од Варшава, кој зборуваше за овој медиум под псевдоним. Војската сè уште ги разгледува деталите и се очекува да предложи план до крајот на март, рече Кукула. Властите планираат да воведат краткорочни програми за воена обука наменети за цивили без претходно искуство, објави весникот Rzeczpospolita. За оние со претходна воена обука, владата нуди насочени едномесечни курсеви, вклучително и владеење со огнено оружје. „Првата цел на програмата за обука е да се подобри достапноста и квалитетот на резервистите. Во моментов, армијата има голем број резервисти, но нивната просечна возраст е околу 45 години. Доколку конфликтот и притисокот врз Полска продолжат подолг период, од суштинско значење ќе бидат добро обучените резервни ресурси, за да можат да дејствуваат заедно со професионалните војници и силите за територијална одбрана“, рече Кукула. Првичниот план е да се обучат 100.000 луѓе до крајот на 2026 година, рече тој.
Но, времето можеби не е на страната на Полска, предупредуваат некои воени личности. „Русите градат огромна армија во позадина. Ако не се постигне мир и продолжи расцепот во НАТО, Русија ќе ги нападне балтичките земји. Ова може да се случи на крајот на оваа година или на почетокот на следната. Инвазијата е дел од нивниот план“, изјави поранешниот заменик началник на Генералштабот на полските вооружени сили, генерал Леон Коморницки. Јарослав Крашевски, поранешен командант на полските ракетни и артилериски сили, изјави за Радио Зет дека планот на Туск дошол предоцна. „Да се обучуваат 100.000 луѓе годишно? Премалку. Треба да го вратиме воениот рок. Се префрливме на потрошувачки начин на живот, радоста на демократијата и патуваме низ светот без никакви проблеми, но заборавивме дека секој од нас треба да има основни познавања од оваа област“, рече тој. Над половина од Полјаците ја поддржуваат иницијативата, додека 39 отсто рекле дека би биле подготвени да учествуваат, според истражувањето. Друга анкета покажа дека околу две третини од Полјаците ќе останат во земјата доколку избие војна, додека третина ќе се обидат да побегнат. Не секој е подготвен да оди во војна за да ја брани својата земја. „Јас сум патриот, ја сакам својата земја, но тоа не значи дека треба да умрам за неа. Не би имал никаква корист во војна – освен како топовско месо. Мојата приврзаност кон оваа земја е дефинирана со даноците што ги плаќам и фактот што не ми нуди вистинска шанса да основам семејство во пристојни услови“,дополнува еден млад човек.
