За лидерот на Левица, Димитар Апасиев, е необјасниво тоа што до изрекувањето на конечната двегодишната затворска казна за возачот Менсур Пајазити кој во 2022 смртно ја прегази 22-годишната Теодора Ристовска од Тетово, само низа на судии и обвинители етнички Албанци одлучувале за случајот.
На јавната седница на 16 април 2024, апелационите судии од Гостивар Шефајет Хајдари, Даут Рустеми и Емине Мурати, речиси му ја преполовиле казната на Пајазити. Иако првично Вишото јавно обвинителство Гостивар се изјаснило да не се прифати во Апелациониот суд Гостивар жалбата на обвинетиот Менсур Пајазити, сепак на главната расправа обвинителката од ова Вишо обвинителство Вјолца Елмази, се премислила. Елмази застанала на страна на обвинетиот, место на страната на обвинението и на своите колеги од Јавното обвинителство на Тетово. Побарала на Пајазити да му се намали казната.
Па, нели бе “духот на Рамковниот” беше да нема надгласување и МАЈОРИЗАЦИЈА по етничка основа! Тогаш зошто во случајот на прегазената млада Македонка од Тетово немало ама баш ниту еден судија/обвинител Македонец?
