Директорот на СЦ Борис Трајковски, Данијел Апостолоски, беше гостин во поткастот „ВМРО-ДПМНЕ Зборува’’. Апостолоски рече дека за него е голема одговорноста која ја има, водејќи го еден од најголемите спортски центри во државата. Тој истакна дека младите сега, имаат многу можности да искористат во спортскиот центар, кој претходно не биле во можност.
„Ќе кажам дека одреден временски период не било вложувано во СЦБТ и се соочив со прилично поголеми проблеми на почетокот, откако започнавме да работиме. За среќа добро и брзо изреагиравме и поголем дел од содржините ги ставивме во употреба, односно 90% од содржините во СЦБТ се потполно во употреба’’, изјави Апостолоски. Директорот на СЦБТ напомена дека од неговото доаѓање на функцијата, имало неколку важни настани за кои што тој рече дека биле доста успешни.
„Јули месец имавме две младински европски првенства до 15 и до 17 години, на кои што настапи и македонската репрезентација, за среќа се помина одлично имавме и позитивни оценки од ФИБА, што за мене е еден голем императив за работата. Имавме неколку помали балкански и европски шампионати во борење, за оваа година исто така продолжуваме со веќе договорените’’, нагласи Апостолоски. Апостолоски говореше и за поддршката од Владата и министерството за спорт, каде што напомена дека е од големо значење за него. Тој додаде дека оваа Влада доста инвестира во спортската инфраструктура. Во однос на идните планови, Апостолоски најави дека ова лето ќе има и детска олимпијада, продолжува со тековните настапи на одбојкарската и ракометната репрезентација.
„Околу 37 земји учесници, околу 4-5 илјади учесници ќе имаме на детската олимпијада, во координација сме со Олимпискиот комитет и интензивно работиме на организацијата на овој настан којшто ќе се одржува 10тина дена во спортскиот центар’’, најави Апостолоски. Апостолоски напомена дека работата на спортскиот комплекс ги опфаќа и лизгалиштето и базенот, и дека се инвестира во двата објекти, со цел граѓаните да имаат квалитетни места за спортување.
„Имавме државно првенство во лизгање, кое што беше одржано на нашето лизгалиште, на кое што присуствуваа многу земји, меѓу кои и Шпанија и Италија и од околината, кои што не би дошле да лизгаат на тоа лизгалиште доколку не ги исполнува стандардите’’, рече Апостолоски и дополни дека базенот е една од најпосетените објекти во центарот, каде што во ден се опслужуваат од 1500-2000 луѓе.
Со почит, Центар за комуникации на ВМРО-ДПМНЕ
