Резултатите од изминатите четири години во областа на спортот се:
40.000.000 денари, доделена финансиска поддршка за спортските клубови и спортистите од општина Гази БабаИзградени се 27 спортски терени на најсовремена тартан подлога, а во деновите пред нас ќе изградиме уште 8 нови терени со тартан подлога.Изградивме и 5 спортски терени на подлога од вештачка трева, а за скоро од денес ќе изградиме уште 3 нови терени.За прв пат во општина Гази Баба изградивме 6 фитнес зони, а наскоро ќе изградивме уште 3 нови зони.Изградивме училишни спортски сали во Булачани и Стајковци, а во тек е изградбата на нова сала во Црешево, а најавувам изградбата на нова училишна спортска сала и во општинското основно училиште Григор Прличев во Железара.Изградивме и два нови спортски комплекси во Стајковци и Хиподром кои соддржат терени за различни категории на спорт.
Сите ние сме тука како еден голем победнички тим. Во нашиот тим се клубовите од сите категории на спортови, тренерите и играчите, таеквондистите и каратистите, фудбалерите, кошаркарите и сите други. Тука се и учениците и наставниците.
Заедно тренираме и се натпреваруваме, едноставно заедно победуваме.
На спортските терени има спортисти кои доаѓаат од различни средини, зборуваат на различни јазици и одат во различни храмови.
Но сите овие разлики стануваат неважни, бидејќи сите ние заеднички во победите се радуваме, а во поразите тагуваме.
Нашиот победнички тим во себе има спортисти на чиј успех сме горди и како народ и како држава.
Во знак на признание вечерва беа доделени плакети на:
Плакета за постигнати спортски успеси и афирмација на општина Гази Баба во таеквондо спортот се доделува на Милијана Релиќ,Плакета за постигнати спортски успеси и афирмација на општина Гази Баба во маратонско пливање се доделува на Александар Илиевски,Плакета за постигнати спортски успеси и афирмација на општина Гази Баба се доделува и на репрезентативецот во ракометната репрезентација на Македонија Марко Стојковиќ,Плакета за постигнати спортски успеси и афирмација на општина Гази Баба во фудбалот се доделува на Теодор Николовски,Плакета за постигнати спортски успеси и афирмација на општина Гази Баба во кошарката се доделува на Андреј Митревски,Плакета за постигнати спортски успеси и афирмација на општина Гази Баба во кик бокс се доделува на Максим Митровски.
Плакети за придонес во развој на спортот во општина Гази Баба беа доделени на:Претседателот на ракометната федерација на Македонија Александар Стефанов,Претседателот на таеквондо федерацијата на Македонија Борче Костовски,Претседателката на атлетската федерација на Македонија Александра Војнеска Зиков.Посебна плакета за постигнати спортски успеси и развој на спортот се доделува на селекторот на ракометната репрезентација на Македонија Кирил Лазаров.
Нашиот победнички тим не запира овде!Ќе продолжиме да инвестираме во градење на се поуспешен спортски дух.
Ве повикувам сите да се обединиме околу нашата Гази Баба и да ја промовираме суштината на спортот.
Од сите нас зависи дали спортот ќе ја задржи својата суштина и дали ќе продолжи да се промовира како алатка за градење на силни и здрави генерации со кои нашата Македонија ќе продолжи да живее.
