Прво претседателот Радев да си гледа сопствениот двор и етничките заедници во Бугарија, вклучително и македонската, а да не се грижи за нашите. Ние сме најдемократска држава во таа смисла.Второ, конечно и официјално признава постоење на над 2 милиони Македонци во Бугарија. Сите знаеме дека се повеќе, но со оглед дека половина се отселени во Шпанија, нема да спориме по тоа прашање.
НАЈВАЖНО, да се договориме дека Македонците од Македонија и тие од Бугарија сме еден народ. Дека говориме еден јазик, кој низ вековите добил различни контекси и уникатен развој… исто како што Турците од двете земји се еден народ, Ромите исто така и сл. Тоа значи да прифатиме дека имаме споделени етнички заедници!
Следно е да ги прашаме Турците, Ромите, Србите, Власите… дали ги навредува постоењето на Македонците? Сигурен сум дека одговорот ќе биде НЕ!
До тука сме на чисто!
На крај, ќе го отвориме најболното прашање, зошто Македонците сме толку многу поделени помеѓу себе, за ист народ од две држави до тој степен да се негира и мрази помеѓу себе?!?
Ќе дојдеме до дефиницијата на етносите и нациите… и ќе оставиме на крај, меѓународнито право тоа да го регулира. Односно правото на себеидентификација на секој поединец!
Може да се случи, во двете земји, еден брат да биде Македонец, другиот Бугарин… или таткото Македонец, синот Бугарин и обратно… но тоа во модерна смисла на поимање на нациите. Ништо страшно за Европа! Па и светот! Така проблемот ќе се затвори! Ќе престане омразата помеѓу Македонците. А вечна ќе биде дискусијата, што е постаро, јајцето или кокошката!
Бугарија треба да престане да се плаши од нас Македонците, од отварање на границите помеѓу нас и обединување на сите Македонци во обединета Европа. Тоа нужно и сега се случува, насекаде низ Европа, освен на пусти Балкан. Доволно беа стравови и страдања!
Нека се огледа на Грција! Тие веќе не се плашат од тоа! И тоа така треба да биде!
Знам дека една голема сила, мајка на Бугарија, се плаши од тоа и прави проблеми. Но ако ние Македонците се договориме помеѓу себе, таа земја ќе нема можност сеуште да не дели!
Некни во Стразбур, во зградата на ЕУ Парламентот, се сретнавме неколку Македонци на едно место… некои од Македонија, некои од Бугарија… едвај зборнавме помеѓу нас, на чист македонски јазик. Зошто така?
Едните на другите “лути душмани”! Зошто?
Едните со агенда да признаеме само македонски јазик, другите со агенда да признаеме современ македонски јазик. А сите помеѓу себе го зборуваме истиот! Нели е смешно тоа? Смешно и трагично!
Сите имаме вина! Споделена вина! Се испокаравме помеѓу себе! Во ред, доволно беше!
ВРЕМЕ Е ЗА ОБЕДИНУВАЊЕ НА МАКЕДОНЦИТЕ!
#обединети #помирување #кауза #МакедонскиКонцепт
