Американскиот потпретседател Џеј Ди Венс денеска увери дека Вашингтон бара „траен“ мир во Украина за време на неговата прва средба со украинскиот претседател Володимир Зеленски, кој бараше „план“ за решавање на конфликтот пред какви било разговори со Русија. Од средбата меѓу Венс и Зеленски, која траеше околу 40 минути, немаше поголеми најави за тоа како да се планира излез од најтешкиот конфликт во Европа по Втората светска војна. Венс рече дека администрацијата на претседателот Трамп е посветена на постигнување траен мир меѓу Украина и Русија. Во основа, целта е, како што рече претседателот Трамп, да сакаме војната да заврши. Сакаме убиството да престане. рече Венс по состаноците. Украинскиот претседател на мрежата Икс напиша дека се „подготвени што побрзо да се придвижат напред кон вистински и гарантиран мир“ и ја поздрави „одлучноста“ на Доналд Трамп, кој, додаде, „може да придонесе за завршување на војната“.
I had a good meeting with U.S. Vice President @JDVance. I am grateful to him and his entire team for the discussion, with Secretary of State Marco Rubio and Special Envoy General Keith Kellogg also taking part.
Our teams will continue to work on the document. We addressed many… pic.twitter.com/zYc15vqIz8
— Volodymyr Zelenskyy / Володимир Зеленський (@ZelenskyyUa) February 14, 2025
Венс и Зеленски уверија дека имале „добар разговор“ за тоа како да се постигнат целите и дека ќе следат други дискусии „во наредните денови, недели и месеци“, според американскиот потпретседател. Телефонскиот разговор меѓу Трамп и Путин и најавената желба да се изврши притисок за одржување на преговорите за Украина ги зголеми стравувањата во Киев и Европа дека конфликтот може да се реши на нивна штета. Шефот на украинската држава пред светската дипломатска елита во Минхен ги постави своите услови за дијалог со Русија. Трамп претходно изјави дека во овој момент нема „готов план“ за запирање на војната.
Венс претходно се обрати на Конференцијата во Минхен во говор што сите со нетрпение го очекуваа, кога едвај го допре украинското прашање и наместо тоа започна со критики против цензурата и падот на слободата на говор во европските земји. Тој претходно ги увери Европејците дека „се разбира“ имаат простор за можни мировни преговори, но дека треба да преземат повеќе одговорности во рамките на НАТО за да го „поделат“ товарот на одбраната на континентот. „Време е да се инвестира бидејќи не може да се претпостави дека американското присуство ќе трае вечно“, рече тој.
