Токму рефренот „За милион години“ предизвика силни реакции кај насобраните луѓе. Протестотот во Ниш српските студенти го започнаа со 15 минутен молк за жртвите од Нови Сад, коишто настрадаа при уривањето на настрешницата на железничката станица, што беше и директен повод за масовното незадоволство во Србија, коешто трае неколку месеци.
Но, потоа студентите успеаја на неколку наврати да ги насмеат и присутните демонстранти, кои допатуваа од цела Србија за да ги поддржат своите сонародници од Ниш, кои се покажаа како одлични домаќини, нудејќи бесплатна храна, а кафулињата и сендвичарите продаваа кафе, пијалоци и сендвичи на попуст. На улиците се играше баскет и одбојка, а голема енергија внесоа мотоциклистите кои имаа свое сопствено дефиле.
Главната забава беше на плошатадот Крал Милан, каде студентите од Музичката акдеија во Белград имаа свој музички настап. Дека се работи за сестрани таленти, тие покажаа и кога почнаа да скандираат „Ацо Србине“, што беше пропратено со искрени насмевки од сто лијадната публика. На крајот, студентите ја изведо „Милион години“, песната со која поранешна Југославија се претстави на „Лајв еид“ концертот што своевремено беше одржан за помош на гладните во Африка, кога југословенската рок сцена стоеше рамо до рамо со оние од Њујорк и Лондон. Токму рефренот „За милион години“ предизвика силни реакции кај насобраните луѓе. Преку фотогалерија на „Слободен печат“ почувствувајте дел од атмосферата на протестот во Ниш.
