Претседателката на српскиот парламент и поранешна премиерка, Ана Брнабиќ, повторно стана тема на социјалните мрежи, откако една нејзина снимка предизвика многу внимание. На снимката, Брнабиќ држи говор на англиски јазик, а нејзиниот тежок српски акцент и стилот на говор предизвикаа бројни коментари на интернет. Таа, според нејзината официјална биографија, дипломирала на Универзитетот Мичиген во САД и има диплома за бизнис администрација (MBA) по маркетинг од Универзитетот Хал во Англија, па многумина беа изненадени од нејзиниот англиски.
„Мислам дека подобро ги разбирам Клингонците“ и „Таа чита англиски напишана на кирилица од хартија“ се дел од коментарите на говорот на Брнабиќ, а многумина ја споредуваат со сличниот говор на Ивица Дачиќ, кој исто така го „прослави“ српскиот политичар пред неколку години.
Kojim jezikom govori Ana Brnabić.
Jel ima neko stručan, liči na engleski ali vuče na klingonski. pic.twitter.com/wCEXbaD7dS
— Mario ZNA (@MarioBojic) May 13, 2025
Во дел од другите коментари, се вели дека, имајќи предвид како Брнабиќ зборува српски, нејзиниот англиски всушност и не е толку лош. Еден корисник на „Икс“ напиша: „Таа треба да молчи на сите јазици“.
