На скоро две недели од големата трагедија во Кочани кога емоционалниот набој е се уште висок, каде тагата и болката е многу силна кај македонскиот народ и кај сите етникуми кои се дел од Македонија покажаа дека можеме да биде сплотени кога за тоа е навистина потребно, и секогаш во тагата сме биле заедно, сме биле посветени за да ја споделиме болката и тагата и сме помагале колку што сме можеле како народ. Тоа е нашиот народ со сите свои падови и успони кои сме ги имале со години без оглед на својата етничка, верска или друга припадност сите како едно. Но да бидам на чисто со тоа дека тагата и болката секогаш ни е заедничка, наспроти тоа среќата и успехот не и ниту ќе биде никогаш ова го говорам одговорно, успехот не го сакаме кај другите. Она што може да се констатира е тоа дека се тргна во офанзивна борба против корупцијата и против корупмираниот систем, но при тоа треба да се биде на сигурно во однос на праведната, несективната и решителната борба со корупцијата а тоа е дека мора да се тргне со чиста како политичка така и персонална позадина со што би можеле да имате одлична стартната позиција наспроти корупмираните и тие кои го дерогираат системот, а очигледно ги има многу, дури мислам и претерано многу.
Мое чувство е дека после големата трагедија нашата јавност, граѓаните како да се разбудија и почнуваат да бидат активни чинители во општествениот живот, почнуваат да корегираат, да опонираат, да откриваат негативни, корумпирани и антизаконски активности кои ги има секојдневно во нашата држава. Лично би сакал оваа состојба на висока јавна свест да опстои да биде најголемиот коректор на секоја власт и да ги држи политичарите будни и свесни за секој нивен изговорен збор или направено (не)дело, и тие да бидат под силен притисок од јавноста во текот на целиот свој манадат а не како до сега само во изборната година, кога треба да ја земат или задржат власта. Но да повториме оти тоа е мајка на знаењето, секој но буквално секој општествен систем кај нас е корумпиран и компромитиран, па оттаму ако во секој од нив властите може да наидат на силен бетонски ѕид кој мора да го поминат, прескокнат ако навистина сакаат длабински да навлезат во таа неслективна борба против корумпираните. Но сепак да бидеме на чисто, несективна, правична и праведна борба против корупцијата може да има само ако од тоа се ратстеретени самите политичките партии (читај финансирање од матни зделки и црни фондови).
Па оттаму, организација, демократизирање и подобрување на политичките партии е клучно за решавањето на корупцијата како и за развој на демократијата во едно општество. Сведоци сме сега на тоа дека самите партии сега почнуваат да ги етикетираат членовите на партијата (зависно од таборот) за тоа што и како работеле и функцинирале во минатото, но и тоа што и како работат денес добивајќи некоја партиска или државна позиција. Верувам дека оваа нема да престане и ќе зема уште поголем залет оти само може да откриваме кога и како бираме и дали треба да ги поддржуваме на избори без оглед кон која политичка групација имаме симпатии. Затоа многу е важно, но повторувам многу тоа како се развива внатрешната демократија и транспарентност на процесот на избор на кандидати во една партија. Партиите би требало да создаваат внатрешни механизми за избор на кандидати и лидерство кои би биле пред се транспарентно и демократски (што е тешко) оти ако не е така тогаш е сомнително и остава простор за сомневање во самите кандидати. Затоа процесот на селектирање на потенцијани кандидати за ностели на партиски а потоа и на општествени (државни) позиции треба да биде отворен, фер и заснован на заслуги, а не на лични врски или партиски лобирања. Понатака многу е значајно да се воспостават (но не на хартија) етички стандарди, особено за своите своите членови и кандидати, со цел да се спречи корупцијата и да се обезбеди дека политичките лидери ќе работат во интерес на јавноста, а не за лични и лукративни интереси. Во суштина, подобрувањето на политичките партии не се сведува само на технички или организациски реформи, туку и на трансформација на нивните основни вредности и принципи. Кога политичките партии ќе ја подобрат својата функционалност и одговорност, тие ќе можат да понудат поквалитетно претставување на граѓаните и поефикасно решавање на актуелните проблеми на општеството во која најгорлив проблем за сега е КОРУПЦИЈАТА. Напомена: во приватниот живот може да си правите што сакате и тоа е исклучиво ваше право, но кога се решавате да влегувате во јаниот општествено-политички или партиски систем мора да водите сметка за тоа какво било вашето поведение и дека од тој миг ста на увид кај јавноста, а париите за свои лукартивни причини сакаат да апсорбирата се и сешто кај себе оти на тој начин милсат дека се окрупнуваат и имаат голем број ан членови (погрешно) а преку тоа може да се дограбат до власт. Но очигледно не е веќе така, системот на селективност кај партиите мора да се организира и да проработи со што би проработел и системот на огранизираност и селективност во самата држава. Професор д-р Иван Анастасовски
