(ВИДЕО) Паника во Банкок по земјотресот во Мјанмар, стотици луѓе бегаат од дома

Разорниот земјотрес со јачина од 7,7 степени по Рихтер што го погоди утрово Мјанмар, бил почувствуван и во тајландската престолнина Банкок. Стотици луѓе во паника излегоа од зградите. Од Мјанмар засега нема информации за евентуална штета. Според Геолошкиот институт на Соединетите Американски Држави (УСГС), епицентарот бил на околу 17,2 километри од градот Мандалеј, кој има околу 1,2 милиони жители. Околу 12 минути по првиот земјотрес, втор силен последователен потрес со јачина од 6,4 ја погоди областа. На социјалните мрежи се споделуваат снимки и фотографии од последиците од силниот земјотрес.

Најново