Холандски ПСВ ја продолжи агонијата на италијанските тимови во плеј-офот од Лигата на шампионите и вечерва го елиминираше Јувентус по продолженија со 3:1. Јувентус победи во првиот натпревар на свој терен со 2:1, а вечерва на семафорот по 90 минути стоеше истиот резултат, но во корист на ПСВ. Во првото полувреме не видовме многу прилики за гол, ПСВ не упати ниту еден удар во рамките од голот, додека „старата дама“ имаше само еден, па резултатот остана почетниот. Домаќините до предност дојдоа со голот на Перишиќ кој погоди и во Торино во 53. минута. Тимоти Веа десет минути подоцна се погрижи за израмнување. Не, беше тоа доволно за Јувентус да оди во осминафиналето бидејќи Саибари на 15-тина минути до крајот постигна гол со кој обезбеди продолженија. ПСВ имаше две добри прилики да го реши натпреварот и во регуларните 90 минути, но не ги искористи. Човек на одлука во продолженијата беше Фламинго со голот во 98. минута.
Со елиминацијата на Јувентус се продолжи лошата сезона на италијанските клубови во плеј-офот од европската елита бидејќи вчера беа елиминирани екипите на Аталанта и Милан. Италија во осминафиналето сега остана само со еден претставник, Интер.
