Почитувани граѓани, почитувани новинари, 2023 година започна со огромен успех за македонската дипломатија, за македонската држава. Од први јануари Северна Македонија е претседавач со ОБСЕ, најголемата безбедносна организација во која членуваат 57 држави, меѓу кои и САД и Русија. Во година во која се уште трае руската агресија врз Украина, македонската димпломатија ќе има сериозен тест во одржување на светскиот мир и стабилност. Но, истовремено ова е добра шанса за дополнително зајакнување на меѓународната позиција на нашата држава. Ако до пред само неколку години, нашата држава беше категоризирана на како заробена и потенцијален извор на нестабилност, денес, Северна Македонија претседава со најголемата безбедносна организација во светот.
Денес, нашата држава е полноправна членка на НАТО и ги започна преговорите за членство во ЕУ, со заштитен македонски јазик и со потврден македонски идентитет. Денес седиме на главните маси каде се одлучува за иднината на Европа и светот. Сето тоа почитувани, е резултат на успешните и одговорни политики на Владата предводена од СДСМ. Претседавањето со ОБСЕ е уште еден државнички успех на СДСМ и поттик за нови успеси на меѓународен и домашен план. Како одговорна, државотворна партија продолжуваме со реализација на политиките што го унапредуваат меѓународниот углед на државата.
