Фудбалерите на Торино денеска на гостински терен славеа против Монца со конечен резултат 2:0.„Биковите“ ја запишаа осмата победа сезонава во Серија А, а значаен триумф имаше македонскиот репрезентативец Елиф Елмас. Елмас кој беше на стартер беше стрелец на првиот гол во 41 минута, што е негов втор погодок во дресот на Торино во Серија А. Вториот гол на Торино беше дело на Касадеи во 66 минута. Елмас играше до 90 минута кога беше заменет од Линети. Торино се наоѓа на 11 место со 34 бодови, додека Монца е на последната 20 позиција со 14 бодови.
Во следното коло Торино на 8 март ќе гостува кај Парма, додека Монца истиот ден ќе оди кај Интер.
