Хамас синоќа соопшти дека нема да премести живи израелски заложници од Појасот Газа за кои израелската армија (ИДФ) нареди да се евакуираат последните денови, наведувајќи дека израелската влада ќе биде одговорна доколку заробениците бидат убиени, пишува Тајмс оф Израел. Израелската армја издаде наредби за евакуација на целата област Рафах, населбата Шеџаја во градот Газа и други области во северниот дел на Појасот Газа, приближно две и пол недели по обновувањето на борбите поради пропаѓањето на договорот за прекин на огнот и размена на заложници. „Половина од живите израелски затвореници се во областите кои израелската окупациска армија побара да ги евакуира во последните денови“, рече Худаифа Кахлут, позната по името на герре Абу Обеида, портпарол на военото крило на Хамас, Бригадите Ал Касам.
⚡️🔴 Abu Obeida’s statements ignite Tel Aviv
After his statements about the prisoners, thousands of settlers fill the streets and the situation is getting out of control.
and violent confrontations with police forces.Abu Obeida announced that Al Qassam will not move the… pic.twitter.com/ypNLxbRgNl
— Middle East Observer (@ME_Observer_) April 4, 2025
„Ако на непријателот му значат животите на овие затвореници.. Одлучивме да не ги преместуваме овие затвореници од тие области и да ги држиме под строги безбедносни мерки кои се исклучително опасни по нивните животи“, рече Абу Обеида во изјавата објавена на арапски, хебрејски и англиски јазик. Тој додаде дека „ако непријателот се грижи за животите на овие затвореници, мора веднаш да преговара за нивната евакуација или ослободување“. „Владата на Нетанјаху сноси целосна одговорност за животите на затворениците. Ако се грижеа за нив, ќе го следеа договорот потпишан во јануари. Повеќето од нив веројатно денеска ќе беа дома“, додаде Абу Обеида.
Abu Obaida, the spokesperson for Al-Qassam Brigades:
Half of the living Israeli prisoners are located in areas in which the Israeli occupation army has requested to be evacuated in recent days.
We have decided not to transfer these prisoners from these areas, and to keep them… pic.twitter.com/Qv7y7DmNOR
— الأخ الكبير (@BIG__Brother7) April 4, 2025
Хамас се закануваше и порано. Хамас претходно се закани дека ќе ги погуби заложниците доколку се забележат израелски сили како се приближуваат до областите каде што се држат. Во август, Хамас уби шест заложници во Рафах додека израелските сили дејствуваа во близина, според Тајмс оф Израел. Изјавата на Хамас дојде неколку часа откако војската објави дека началникот на Израелската војска , генерал Ејал Замир вчера се сретнал со семејствата на неколку заложници кои ги држел Хамас во Газа. Замир редовно се состанува со семејствата на заложниците откако ја презеде функцијата минатиот месец и планира дополнителни средби во наредниот период. Замир за време на средбата разговараше со семејствата за целите на актуелната офанзива против Хамас во Газа и „заложбата на Израелската војска за враќање на заложниците, што е највисока цел“. Сепак, повеќето од семејствата на заложниците веруваат дека актуелната офанзива на Израелската армија ги загрозува нивните најблиски и изразија загриженост за продолжувањето на борбите.
