Поради пожар кој изби во трафостаница и предизвика прекин на електричната енергија на најголемиот меѓународен аеродром во Европа, лондонски Хитроу ќе биде затворен во петок, соопшти компанијата што управува со Хитроу.
„Хитроу се соочува со голем прекин на електричната енергија. За да се осигура безбедноста на патниците и колегите, аеродромот ќе остане затворен „до 23:59 часот на 21 март“, соопшти Хитроу ерпорт холдинг.
London’s Heathrow Airport, one of the world’s busiest, has shut down after a fire caused a significant power outage.
Follow along for live updates https://t.co/DLKLtOyWKy pic.twitter.com/TEgH3hnoUf
— Bloomberg (@business) March 21, 2025
Компанијата за управување, исто така, предупреди дека очекува „сериозни прекини“ во сообраќајот „во наредните денови“. Според специјализираната веб-страница FlightRadar24, многу авиони веќе биле принудени да ги променат плановите за летање.
Лондонската противпожарна бригада извести за „голем“ пожар во трафостаница во Хејс, западно предградие на британската престолнина, која гарантира снабдување со електрична енергија на аеродромот.
Покрај аеродромот, „голем број домаќинства и бизниси“ во областа исто така доживуваат загуба на електрична енергија, рече Пат Голбурн, портпарол на противпожарната служба.
„Нашите пожарникари неуморно работат во тешки услови за што поскоро да го стават пожарот под контрола“, додаде тој. Хитроу од своја страна ги повика патниците да „избегнуваат“ да одат на аеродромот „пред тој повторно да се отвори“.
Due to a fire at an electrical substation supplying the airport, Heathrow is experiencing a significant power outage.
To maintain the safety of our passengers and colleagues, Heathrow will be closed until 23h59 on 21 March.
Passengers are advised not to travel to the airport… pic.twitter.com/7SWNJP8ojd
— Heathrow Airport (@HeathrowAirport) March 21, 2025
Најголемиот и најпрометниот европски аеродром е исто така еден од петте најпрометни во светот кој опслужува над 80 милиони патници годишно, или 230.000 дневно. Меѓу летовите кои мораа да го сменат курсот беше летот на Qantas од Перт (Австралија), кој беше пренасочен кон Шарл де Гол, Париз (Франција), како и летот на Јунајтед ерлајнс од Њујорк (САД), кој беше пренасочен кон Шенон, Ирска, според податоците на FlightRadar24.
London-Heathrow will be closed for ALL of Friday due to a “significant power outage” caused by a fire in an electrical substation.
There are currently 120 aircraft in the air that will be diverting to alternate airports or returning to their origins. https://t.co/TEHf2kJO23 pic.twitter.com/Lot0lsJLz8
— Flightradar24 (@flightradar24) March 21, 2025
Во својата прва изјава по објавувањето на затворањето на Хитроу, Бритиш ервејс, кој има своја главна база на аеродромот, предупредува дека најновите случувања ќе имаат „значително влијание“ врз неговите операции и неговите клиенти.
„Работиме што е можно побрзо да ги информираме за нивните можности за патување во следните 24 часа и понатаму“, се додава во соопштението.
