Во рамки на панел-дискусија насловена како „Образование на иднината“, на новинарско прашање дали ќе прифати да биде министерка за здравство, министерката за образование Весна Јаневска кажа дека за тоа ќе реши премиерот и дека не е вклучена во тие преговори. Откако министерот за здравство Арбен Таравари вчера ја напушти владината коалиција, денеска сè погласно се зборува за рокада меѓу ресорите на здравство и образование меѓу коалиционите партнери ВМРО-ДПМНЕ и ВЛЕН. Министерката за образование и накуа Весна Јаневска денеска ниту ги негираше ниту ги поврди информациите дека таа ќе биде министерка за здравство.
Таа во изјава во рамки на панел-дискусија насловена како „Образование на иднината“, на новинарско прашање дали ќе прифати да биде министерка за здравство, Јаневска кажа дека за тоа ќе реши премиерот и дека не е вклучена во тие преговори. „Сосема е рано да се размислува за такво нешто. Ви кажав кои се одговорни, кога ќе дојде тој момент тогаш ќе разговараме. Во овој момент јас како министер за образование и наука имам толку многу работа што навистина не мислам ништо ниту сум вклучена во тие преговори. Повторно ќе кажам, има одговорно лице кое ќе каже како треба да биде“, кажа Јаневска.
Вчера, лидерот на едното крило на Алијанса за Албанците, Арбен Таравари, ѝ соопшти на јавноста дека највисоките раководни органи вечерва донеле одлука партијата да излезе од владината коалиција. „Се враќаме меѓу граѓаните, на локалните избори во октомври ќе имаме многу подобар резултат. Промените што ги ветивме, не ги испорачавме, за што граѓаните нè критикуваат“, рече тој. Инаку, министерката Весна Јаневска, еден ден по трагедијата во Кочани, кога во импровизираната дискотека „Пулс“ загинаа 62 претежно млади лица, а 200 беа повредени, се појави на студентски собир на платото на Универзитетот „Св. Кирил и Методиј“ во Скопје. Додека Јаневска држеше говор пред неколку илјади студенти, неколкумина од нив колабираа, по што таа продолжи со говорот. Потоа беше јавно исвиркана, а сето тоа се стримаше на социјалните мрежи. Извор: Новинска агенција МЕТА
