Со секој изминат ден, СДС се повеќе го покажува своето лицемерие и аздисаност во трошењето на украдените пари од народот. СДС на терен може да направи попис на украдените пари од граѓаните од страна на нивниот сегашен и поранешен претседател, Венко Филипче и Зоран Заев.
СДС да одговори како со чиновнички плати се стигнува до луксузот и огромните богатства на нивните на нивната партиска елита? СДС може да испита и после тоа да ја извести јавноста, како се стигнува до сопственички удел и банкарски сметки во Дубаи, како нивното дуо, неразделните Заев и Филипче? СДС да провери и да одговори како од просечно земјоделско семејство, како што беше семејството Заеви, се стигнува до богатство со кое се градат висококатници во Дубаи? Исто така, СДС која многу сака да излегува на терен, да излезе и да провери и после тоа да објасни на јавноста, како Венко Филипче стигна до хациенда во Нерези изградена од истата фирма која добиваше тендери кога тој беше министер за здравство?
И додека СДС лие крокодилски солзи за наводна загриженост за граѓаните, пред само два дена потрошија над 100 илјади евра за партиска собиранка во Струмица, а не одговорија со кои пари ги платиле автобусите за до таму. За лицемерието да биде уште поголемо, додека прави попис низ маркетите кои се цените на прехранбените производи, на журката од пред два дена СДС се гоштевале по кафеани и рестораните низ Струмица. СДС, исто така, треба да даде одговор, кој ги плаќал сметките по кафеаните и рестораните во Струмица? Со секој изминат ден, СДС само се повеќе си го покажува своето лицемерие и аздисаност во трошењето на украдените пари од народот.
Со почит, Центар за комуникации на ВМРО-ДПМНЕ
