Автомобил со скопски таблички синоќа во 19:40 часот излетал од локалниот пат кон тетовското село Челопек и паднал во реката Вардар, информираат од Министерството за внатрешни работи. Повреден е возачот Т.М.(39) од Тетово и малолетна сопатничка.
„На 03.04.2025 година во 19:40 часот во СВР Тетово е пријавено дека на локалниот пат за селото Челопек, кај мостот на реката Вардар, возило `голф` со скопски регистарски таблички управувано од Т.М.(39) од Тетово, излетало во реката“, се вели во соопштението од МВР. Увид на местото на несреќата изврши увидна екипа од СВР Тетово.
