Најмалку четири лица загинаа, а тројца се тешко повредени во руски ракетен напад врз Криви Рих, град во јужна Украина, кој е роден град на украинскиот претседател Володимир Зеленски. Украинската служба за итна помош соопшти дека лекарите се борат за животите на ранетите, кои по нападот биле пренесени во болница.
Според локалните власти, една од жртвите загинала во автомобил, кој бил погоден со проектил додека бил на улица. Службите за итни случаи објавија фотографии од местото на нападот на кои се гледаат разурнувања и жртви. Фотографиите се многу вознемирувачки, на кои се гледаат тела и тешко ранети цивили.
