Најмалку 54 лица загинаа, а 158 се ранети во напад на суданските паравоените единици РСФ на пазар во градот Омдурман, соопшти суданското Министерство за здравство, пренесува „Телеграф“. Во своето соопштение, РСФ негираше дека го таргетирала пазарот и наместо тоа ја обвини суданската армија дека извршила напади насочени кон цивили. Нападите и на армијата и на паравојската во текот на војната, која избувна во април 2023 година беа насочени кон густо населените области . Конфликтот досега однесе десетици илјади животи, принуди милиони луѓе да ги напуштат своите домови, а половина од населението го остави без храна.
