Телата на двајца мигранти се пронајдени викендов на територијата на Суботица. Истрагата за овој случај ја води Вишото јавно обвинителство во Суботица, соопштија за Танјуг од СВР Суботица. Телото на еден мигрант беше пронајдено во петокот на 16 мај, а уште еден ден подоцна, на 17 мај. Засега не се знае дали смртта била предизвикана од насилство, но според тамошните медиуми постои сомнеж за меѓусебен конфликт. Во извештајот на Глобалната иницијатива за криумчарење мигранти објавени се проценките дека најмалку 150 мигранти дневно преминуваат во Србија преку илегални гранични премини. Истанбул служи како главен центар од кој мигрантите влегуваат во Западен Балкан, според Нова економија.
Истражувањето ги утврди и цените кои мигрантите им ги плаќаат на шверцерите за да стигнат до западните земји. Така, за повеќе земји од Турција до Бугарија и Србија цената е 3.468 евра, од Грција преку Северна Македонија до Србија е 1.033 евра, а од Сирија до Германија е 12.600 евра. За единечните гранични премини цените се пониски, па од Црна Гора до Босна и Херцеговина е 315 евра, а од Србија до Босна 235 евра, покажуваат податоците на ГИ.
