Со фотографии од загинатите, семејствата и роднините, со молчење тргнаа на марш за 60-те загинати во дискотеката „Пулс“. Порачаа дека е време да запре селективната правда.
Покрај фотографиите, тие носеа и транспаренти на кои пишуваше „Корумпираниот систем ги уби нашите деца“. Тие тргнаа од Паркот на Револуцијата, по што ќе се упатат кон Трговскиот центар, а оттаму кон зградата на Општина Кочани, Полициската станица и Основниот суд и Обвинителството.
