Претседателот на Српската напредна партија (СНС), Милош Вучевиќ, денеска, по консултациите со претседателот на Србија, Александар Вучиќ, за новиот премиер на Србија, изјави дека коалицијата собрана околу СНС смета дека нема потреба да се оди на нови избори и дека ќе предложат двајца кандидати за претседател. „Го информиравме претседателот дека нашата коалиција верува дека треба да избереме нова влада, дека има парламентарно мнозинство, дека има законски и легитимни услови да се избере нова влада до 18 април“, изјави Вучевиќ за новинарите во Палатата Србија по консултациите. Според неговите зборови, партиските органи ќе донесат конечна одлука за името на претставникот и за 24 до 36 часа ќе го известат Вучиќ.
Изборот го стеснивме на две имиња и очекувам претседателот да го објави официјално во текот на викендот“, рече Вучевиќ, кој е актуелен премиер во технички мандат. Како што додаде, мандатарот ќе има краток рок да изврши консултации со сите потенцијални кандидати за членови на Владата, како и со СНС, која ќе разговара во партијата и со сите коалициски партнери и со оние кои изразиле волја да бидат дел од новата влада. Нашиот став е да избереме нова влада, да не одиме на избори и да направиме се таа да биде избрана во рокот предвиден со закон. Името на мандатарот очекувајте го во наредните часови или денови“, рече Вучевиќ.
