Утре најверојатно ќе и се обратам на нацијата и ќе го соопштам името на мандатарот, изјави претседателот на Србија, Александар Вучиќ, кој присуствува на процесот Акаба во Софија. Вучиќ вели дека ситуацијата во Босна и Херцеговина полека но сигурно излегува од контрола, а за тоа ќе зборува и утре.
– Не е сигурен во кој правец се оди. Јасно е дека Бошњаците ова го гледаат како можност за второ полувреме и за отстранување на Србите како „вознемирувачки фактор“ и суштински бараат укинување на Република Српска. Она што ме загрижува е што разговарајќи со претставници на ЕУ и НАТО и одредени земји, сфатив дека никој не сака компромисни решенија, туку конечна пресметка со Милорад Додик. Тежок товар на плеќите на нашиот народ – вели Вучиќ.
