Караванот „Се гледаме во маало“ денеска продолжува во населбата Пролет, каде што од 18:30 до 20:00 часот на игралиштето ќе се одржи средба со граѓаните од ова маало. Средбата е дел од иницијативата на Општина Центар и градоначалникот Горан Герасимовски за директна и отворена комуникација со жителите од сите населби.
„Целта е да ги слушнеме мислењата, да размениме идеи и да разговараме за конкретни проекти што ќе можат да се вклучат во програмата за работа на општината за наредниот период. Преку караванот ‘Се гледаме во маало’ заеднички ги носиме одлуките и решенијата. Ве поканувам сите од Пролет да дојдете и да ни кажете што ви е важно, што сакате да се промени, и како да го направиме Центар поубаво и пофункционално место за сите. Во оваа населба оваа пролет ја отвориме најубава градинка во Македонија, изградена од темел според највисоки стандарди“, вели Герасимовски.
