Герасимовски на средби со центарци, карванот „Се гледаме во маало“ тргнува вечерва од Капиштец

10/06/2025 16:03

Градоначалникот Горан Герасимовски, денеска на брифинг појадок со новинари најави дека караванот „Се гледаме во маало со Горан Герасимовски“ отпочнува денеска од населбата Капишец, а завршува на 5 јули со средба со граѓаните од реонот на Кале. Герасимовски потенцираше дека преку овој караван, граѓаните ќе се информираат за тоа што е реализирано во изминатите три и пол години, но исто така центарци ќе можат да дадат и свои идеи, сугестии и предлози за поубав Центар.

Заедно со граѓаните ќе креираме политики и идеи и ќе ги реализираме. Самиот караван почнува од населбата Капиштец, од детското игралиште кај „Зебра“. Со општинските служби ќе бидеме заедно со граѓаните и ги слушаме сите нивни предлози и идеи, она што го правиме во текот на годините преку буџетските форуми, истражувањата, анкетите. Нашата цел е да ги слушнеме центарци за нивните предлози и идеи. Се гледаме вечер во маало, рече Герасимовски. Градоначалникот објасни дека целта е преку овие маалски средби, покрај досегашните редовни средби со граѓаните и отворените денови, да се увидат потребите на граѓаните, нивните предлози и идеи, за да се вметнат во општинските програми и да се реализираат проекти кои се целосно во нивен интерес. Заинтересираните граѓани можат да ја погледнат агендата со предвидените маалски средби.