Борис Писториус/ Фото Droese / imago stock&people / Profimedia
Германскиот министер за одбрана Борис Писториус ги увери сојузниците на НАТО од балтичките земји дека можат да се потпрат на Германија за да ја одвратат Русија од напад.
„Германија ја презема одговорноста. А Германија го презема водството“, рече Писториус на безбедносната конференција во главниот град на Естонија, Талин.
Писториус и гарантира на Украина долгорочна поддршка во одбраната од руските сили. Ќе стоиме покрај нив се додека е потребно, рече тој.
Тој предупреди на страшни последици доколку рускиот претседател Владимир Путин успее во своите намери. „Путин користи одвратни, криминални и нехумани методи“, рече Писториус.
Германскиот министер за одбрана ги повтори плановите за стационирање на бригада на Бундесверот во Литванија. Плановите предвидуваат 4.000 членови на Бундесверот, како и нивните семејства, постојано да бидат стационирани во таа земја.Деталите за ова ќе бидат разработени до крајот на годината. „Ќе сместиме германски војници и жени во Литванија штом ќе биде воспоставена потребната инфраструктура“, рече Писториус.
