Учесниците на протестот развиорија и големо српско знаме долго 250 метри, со транспаренти со кои побараа поддршка од Претседателот Вучиќ. „Ние не сме криминалци, тоа се Куртиевите специјалци“ ; „Курти ни се заканува со убиства а Европа молчи“ беа дел од останатите пораки објавени од демонстрантите.Србите не отстапуваат од своите барања, барајќи ослободување на уапсените Дејан Пантиќ, Миљан Аџиќ и Слаѓан Трајковиќ, како и повлекување на специјалните единици на косовската полиција.Во меѓувреме, се уште се очекува одговорот на КФОР на барањето на Вучиќ за враќање на 1000 припадници на српската војска на Косово , иако никој, па ниту српскиот претседател не очекува официјален Белград да добие зелено светло за своето барање.
