Односите меѓу Вашингтон и Киев стануваат се позатегнати по серијата остри критики кон украинскиот претседател Володимир Зеленски од страна на американски претседател Доналд Трамп, милијардерот Илон Маск и потпретседателот Џеј Ди Венс. Додека Трамп отворено го обвинува Зеленски за корупција, лошо управување со војната и отфрлање на изборите, Маск нагласува дека дури и за време на големи војни во САД, изборите никогаш не биле одложени, а Венс предупредува дека Киев води лоша стратегија во комуникацијата со новата американска администрација. Нивните изјави предизвикаа жестоки реакции и шпекулации за потенцијална промена на американската политика кон Украина која деновиве кулминираше. Маск: Америка одржувала избори дури и за време на војна – Зошто не Зеленски? Илон Маск, еден од највлијателните бизнисмени во светот на технологијата и близок соработник на Доналд Трамп, се вклучи во дебатата за иднината на Украина, директно напаѓајќи го Зеленски дека одбил да организира претседателски избори. На социјалната мрежа Икс (поранешен Твитер), Маск сподели објава на корисникот Рапид Респонс 47, во кој се истакнува дека САД се придржувале до демократските принципи дури и за време на најголемите конфликти во својата историја. „Америка одржува претседателски избори на секои четири години, дури и во време на војна. Имавме избори за време на Граѓанската војна. Имавме избори за време на Втората светска војна. Пред претседателот Зеленски да одлучи повторно да му држи предавање на американскиот претседател, тој треба да одржи свои избори“, се вели во објавата, која ја поддржа Маск.
Критиките на Маск доаѓаат во време кога сè почесто се поставуваат прашања за легитимноста на Зеленски, имајќи предвид дека тој ги откажа претседателските избори под изговор за воена состојба. Сепак, западните сојузници на Украина, вклучително и САД, се повеќе инсистираат Киев да спроведе демократски процеси за да обезбеди внатрешна стабилност и кредибилитет на меѓународно ниво. Венс: Зеленски добива лоши совети, тоа е лоша стратегија кон Вашингтон Друг висок функционер во новата американска администрација, потпретседателот Џеј Ди Венс, исто така го критикуваше Зеленски откако украинскиот лидер рече дека Трамп живее во „балон на дезинформации“.
Во интервју за Дејли Мејл, Венс предупреди дека Зеленски добива лоши совети за тоа како да комуницира со новата американска администрација. Дејли мејл секако не е случајно избран, тоа е британски весник, а општо е познато дека Зеленски добива инструкции од Лондон уште од преговорите со Русија во Истанбул. „Три години му кажуваат дека е непогрешлив, но тој пристап е лош пат за односите со САД“, рече Венс, нагласувајќи дека нападот на американскиот претседател е многу лоша стратегија. Венс нагласи дека политиката на Трамп не се заснова на „руска пропаганда“, како што тврди Киев, туку на долгогодишен геополитички став. „Го почитуваме украинскиот народ, се восхитуваме на храброста на нивните војници, но оваа војна мора брзо да заврши“, додаде тој, сугерирајќи дека Вашингтон се залага за итни преговори и дипломатско решение. Недостасуваат милијарди долари и Зеленски е пречка за мирот? Во меѓувреме Трамп тврди дека Зеленски признал дека половина од американските средства испратени во Украина исчезнале. „Тој одбива да ги одржи изборите, рејтингот му е на ниско ниво во Украина, а единственото нешто во што е добар е манипулирањето со Бајден“, напиша Трамп. Тој додаде дека САД се на чекор од успешните преговори за ставање крај на војната со Русија, но дека Зеленски можеби не сака да го запре „протокот на злато“ од Вашингтон. „Ја сакам Украина, но Зеленски заврши ужасна работа – неговата земја е уништена, милиони умреа без потреба и сето тоа продолжува …“, заклучи Трамп. Нова криза во односите меѓу Вашингтон и Киев Острите критики на Володимир Зеленски од страна на Илон Маск, Доналд Трамп и Џеј-Ди Венс дополнително ги комплицираат односите меѓу САД и Украина. Она што претходно беше бескомпромисна поддршка на Вашингтон за Киев, сега се доведува во прашање, а новата американска администрација се повеќе навестува дека нивната помош ќе зависи од конкретните чекори на украинската влада. Можни се три клучни последици за Киев ако продолжи со реториката, анализираат медиумите. Намалување на воената помош за Украина-
- Доколку Вашингтон смета дека Зеленски не е доверлив партнер, постои можност САД да ги ограничат испораките на оружје.
- Зголемен притисок врз Киев за одржување избори.Новата администрација може да инсистира да се одржат претседателски избори во Украина за да се обезбеди поголема политичка стабилност.
- Поттикнување на директни преговори со Русија, доколку Трамп или сличен политичар дојде на власт, можно е САД да го пренасочат фокусот кон директни преговори со Москва, што би значело крај на сегашната стратегија за безусловна поддршка за Украина. Останува да се види како ќе се развива оваа ситуација и дали промените во американската политика ќе влијаат на идната воена и економска помош за Украина.
