Забраната би се однесувала на новите аранжмани, но и на постојните долгорочни договори, кои се правно комплицирани за раскинување бидејќи ги обврзуваат клиентите да плаќаат за гас дури и кога не го земаат. Европската Унија планира да предложи мерки со кои целосно ќе се забрани увозот на руски гас до крајот на 2027 година, објави Блумберг, повикувајќи се на нацрт-предлогот што Европската комисија треба да го презентира во Стразбур. Европската комисија планира првиот чекор да го направи во јуни и да ги забрани сите нови договори за увоз на руски гас, како и постојните спот-аранжмани, кои, според проценките, сочинуваат околу една третина од тековниот увоз на гас од Русија, а оваа мерка би стапила во сила најдоцна до крајот на 2025 година. Забраната би се однесувала на новите аранжмани, но и на постојните долгорочни договори, кои се правно комплицирани за раскинување бидејќи ги обврзуваат клиентите да плаќаат за гас дури и кога не го земаат.
Уделот на рускиот гас во вкупниот увоз на оваа енергија во Европската Унија се намали за повеќе од 40% пред војната во Украина на околу 19% минатата година, но целосното прекинување на увозот од Русија сè уште е тешко да се спроведе. Посебен предизвик е растот на испораките на течен природен гас (LNG) од Русија, кои, откако „Гаспром“ драстично го намали протокот низ гасоводите, достигнаа рекордни нивоа.
