Јавното обвинителство на Република Северна Македонија на новинарите во сите редакции им испрати табела со бројот на загинати по возраст. Од неа произлегува дека загинале 3 лица на возраст од 16 години и 3 лица на возраст од 17 години, што значи вкупно 6 малолетници, пренесуваме објава во целост од Вистиномер. Рецензираме објава на Фејсбук во која се споделува фотографија од премиерот Христијан Мицкоски и пишува: Кога самиот ќе си забодеш нож во стомак, а сепак остануваш жив. Изјавите на ХИСТЕРИЈАН и ТАШАКОВСКИ сами против себе. -Ноќта на ТРАГИЧНИОТ НАСТАН во КАБАРЕТО УСПЕШНО била извршена акција и проверка во КАБАРЕТО??? Се поставува само по себе ПРАШАЊЕТО, доколку акцијата по наредба на ТАШАКОВСКИ била успешна, како тоа починаа присутни, повеќе од 30-тина МАЛОЛЕТНИ деца ,а такви воопшто не смееле да се таму во КОБНАТА НОЌ. Што би рекол ХИСТЕРИЈАН, ако полицијата не реагирала како треба, бројот на починати би бил многу поголем,макар што и едно загинато дете е премногу.
Министерот за внатрешни работи Панче Тошковски нема кажано дека акцијата против дрога ноќта кога настана пожарот во импровизираната дискотека „Пулс“ била успешно извршена, туку кажа дека „полицијата постапувала по претходно изготвен план за контрола, во врска со недозволена трговија со дрога и присуство на малолетници“, а таква акција истата вечер имале и СВР Скопје, СВР Охрид и други сектори за внатрешни работи. Премиерот Мицковски, пак, на прес-конференција (со почеток на 20 минута и 08 секунда на следното видео) изјави: Второ, полицијата не била таму да контролира дали има важечка лиценца или не, туку се вршела проверка бидејќи постоеле информации и основано сомневање дека се тргува со недозволени супстанции и дека во местото има малолетници. Полицијата доаѓа 5 минути за жал, пред да се случи овој настан. Во тој момент група полицајци е со лице за кое постои основано сомневање дека врши недозволено тргување со недозволени материјали, а полицаецот кој за жал е починат врши легитимирање на гостите и констатира дали тие се малолетници или не се малолетници. Ниту министерот за внатрешни работи, ниту премиерот немаат кажано дека акцијата во „Пулс“ била успешна. Не е точно наведеното дека во пожарот „починале повеќе од 30 малолетни лица“. Јавното обвинителство на Република Северна Македонија на новинарите во сите редакции им испрати табела со бројот на загинати по возраст. Ја пренесуваме истата во продолжение:
Од неа произлегува дека загинале 3 лица на возраст од 16 години и 3 лица на возраст од 17 години, што значи вкупно 6 малолетници. Подоцна Министерството за здравство излезе со имињата на загинатите и годината на нивното раѓање. Поради сите горенаведени факти оценуваме дека не е вистина оти починале повеќе од 30 малолетници во трагичниот пожар во дискотеката „Пулс“ во Кочани. Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар Извор: Новинска агенција МЕТА
