Заменик-началниката на полицијата во Ливерпул, Џени Симс, ги потврди претходните извештаи дека на местото на настанот е уапсен 53-годишен маж од околината на Ливерпул, за кого полицијата верува дека го управувал возилото со кое беа повредени речиси 50 лица. Таа рече дека е во тек истрага за да се утврдат фактите што довеле до овој инцидент. Вкупно 27 лица се пренесени во болница, од кои две се наоѓаат во критична состојба, по вчерашниот инцидент кога маж со автомобил удри во толпа луѓе кои ја славеле шампионската титула на фудбласкиот клуб Ливерпул во истоимениот британски град, пренесуваат тамошните медиуми по прес-конференцијата на надлежните во врска со настанот.
Меѓу двете повредени лица кои се критична состојба е и едно дете, објави британскиот национален сервис Би-би-си. Шокатниот настан се случи вчера попладне по 18 часот на улицата Вотер во центарот на Ливерпул, додека илјадници навивачи ја славеа 20. титула на фудбалскиот клуб Ливерпул во Премиер лигата. Заменик-началниката на полицијата во Ливерпул, Џени Симс, ги потврди претходните извештаи дека на местото на настанот е уапсен 53-годишен маж од околината на Ливерпул, за кого полицијата верува дека го управувал возилото со кое беа повредени речиси 50 лица. Таа рече дека е во тек истрага за да се утврдат фактите што довеле до овој инцидент.
„Инцидентот не се третира како терористички напад“,рече Симс, додавајќи дека станува збор за изолиран случај. На социјалните мрежи беа објавени видеа на кои се гледа како автомобилот со голема брзина удира во толпата навивачи, а очевидци тврдат дека возачот намерно се забил во дел од нив. „Тоа беше шокантен момент. Имаше илјадници луѓе околу нас, автомобилот прелета покрај нас, а потоа удри во луѓето. Полицијата и лекарите трчаа покрај нас и им помагаа на луѓето по патот“,изјавил сведок на настанот за „Мирор“. Претставникот на службата за итна помош, Дејвид Кичен соопшти детали за повредените на кои им е укажана лекарска помош. Тој изјави дека 27 лица, меѓу кои четири деца, се префрлени во блиските болници. Две лица, од кои едно е дете, се во критична состојба, а, според неговиот извештај, нема починати лица на местото на настанот.
Кичен додаде дека 20 лица побарале помош на местото на настанот, но кај нив бил констатирани полесни повреди за кои лекарите оцениле дека нема потреба од болничко лекување. Шефот на противпожарната служба на градот, Ник Серл изјави дека повикот во врска со инцидентот го добиле во 18:07 часот според локално време, а кога нивните екипи пристигнале на местото, пожарникарите затекнале четири лица заробени под автомобил. „Три лица и едно дете беа извлечени од под возилото и веднаш однесени во болница со брза помош“,изјави Сирл. Во врска со настанот се огласи и британскиот премиер, Кир Стармер, кој рече дека неговите мислис е повредените и им се заблагодари на спасувачките служби за брзата интервенција. „Сцените во Ливерпул се ужасни, моите мисли се со сите повредени или погодени. Сакам да им се заблагодарам на полицијата и службите за итни случаи за нивната брза и континуирана реакција по овој шокантен инцидент“,рече британскиот премиер.
Англиските медиуми објавија дека вчерашната славеничка парада во градот била една од најголемите досега, а причината за големиот број присутни се претпоставува дека е затоа што во 2020 година кога Ливерпул ја освои последната титула во Премиер лигата, навивачите не можеа да ја споделат својата радост со играчите на „црвените“ поради тогашните ограничувања што ги донесе пандемијата на ковид-19. Фудбалскиот клуб Ливерпул по инцидентот издаде соопштение во кое упати молитви за повредените. „Во директен контакт сме со полицијата во Мерсисајд во врска со инцидентот што се случи кон крајот на парадата. Нашите мисли и молитви се со оние погодени од овој сериозен инцидент. Ќе продолжиме да им даваме целосна поддршка на службите за итни случаи и локалните власти кои се справуваат со овој инцидент“,соопштија од Енфилд.
