Кошаркарката Евролига објави дека го урна рекордот за гледаност четврта година по ред и истакна дека српскиот Партизан е најгледаниот клуб во регуларната сезона со просек од 18,486 навивачи по натпревар, а Црвена звезда е втора со 18,239. Како што објави Евролигата, просечната гледаност на натпреварите од Евролигата се зголеми на 10,589, во споредба со 10,383 минатата сезона. Особено е важно да се напомене дека пред четири сезони просекот беше 7,935, а оттогаш секоја сезона се поставува нов рекорд.
Партизан е најгледаниот тим во два аспекта, и според бројот на навивачи и според процентот на пополнетост на салата. Партизан имаше просек од 18,486 навивачи и пополнетост на капацитетот од 98 проценти (одиграа еден натпревар на „Пионир“, против Монако). Црвена Звезда имаше просек од 18,239 навивачи и стапка на пополнетост од 94 проценти (тие одиграа два натпревари на „Пионир“, против Панатинаикос и Алба). Панатинаикос е трет по просечна гледаност со 17,111 навивачи по натпревар. Што се однесува до стапката на пополнетост, Олимпијакос е на исто ниво како и Црвена звезда од Белград со 94 проценти.
