Едно лице е убиено, а едно повредено во пукање што се случило утрово во скопското село Батинци.
Според пријавата во МВР, убијците пукале од автомобил ‘мерцедес’ во движење кон автомобил ‘шкода’ во којшто биле жртвите.
Едниот смртно го раниле, а другиот со тешки повреди е пренесен во Ургентен.
-На 01.07.2024 во 09,25 часот во СВР Скопје е пријавено дека во с.Батинци, скопско, две лица со патничко возило „мерцедес“ пукале кон патничко возило „форд“ во кое биле А.Б.И.(34) и З.И.(31), двајцата од с. Црн врв.На местото на настанот починал А.Б.И., а З.И. се здобил со повреди и е пренесен за укажување лекарска помош во Ургентен центар-Скопје. СВР Скопје во координација со Одделот за специјални полициски операции и Одделот за воздухопловни единици преземаат мерки и активности за пронаоѓање на сторителите и расчистување на случајот, велат од МВР за ‘Фокус’.
