Полицаец е застрелан пред влезот од зградата во која живеел во Качаник нешто пред полноќ, потврди за медиумите Канун Весели, портпарол на полицијата.
„Синоќа околу 23 часот добивме информација дека едно лице е повредено и е во тешка состојба на влезот во неговата зграда, на улицата „Идриз Сефери“ во Качаник. Повреден е припадник на косовската полиција. На местото на настанот, покрај полициските единици, пристигнала и екипа на Брза помош од Качаник, која го пренела во здравствениот дом. На местото на настанот пристигнаа регионални истражители и форензичари за да ги направат потребните вештачења. Причините за овој инцидент се уште не се познати. За дополнителни информации ќе бидете навремено известени“, изјави Весели.
