Позитивните ефекти од MIND диетата се забележани и кај помлади и кај постари возрасни лица, покажувајќи дека никогаш не е предоцна да се започне со здрава исхрана за да се зачува здравјето на мозокот.Луѓето над 45 години кои ја следеле таканаречената „MIND диета“ имале значително помал ризик од развој на болеста во споредба со оние кои се хранеле на други здрави начини.
MIND е кратенка за медитеранска-DASH интервенција за одложување на невродегенеративни болести.
Оваа диета ја комбинира медитеранската исхрана, богата со овошје, зеленчук и здрави масти, со DASH диетата, позната по намалувањето на крвниот притисок, која вклучува интегрални житарки, млечни производи со ниска масленост и посно месо.Научниците истакнуваат дека MIND диетата става акцент на храна за која е докажано дека го штити здравјето на мозокот, како што се темнозелен лиснат зеленчук, бобинки, јаткасти плодови и маслиново масло.
Студија од Универзитетот Хаваи во Маноа покажала дека учесниците кои постојано ја следеле диетата MIND на почетокот на студијата имале девет проценти помал ризик од развој на деменција, а уште поголемо намалување на ризикот – околу 13 проценти – било забележано кај оние кои се идентификувале како Афроамериканци, Латиноамериканци или белци.Луѓето кои постепено ја усвоиле диетата MIND – дури и ако на почетокот не ја следеле доследно – имале 25 проценти помал ризик од развој на деменција во споредба со оние кои на крајот се откажале.Повеќе за ова прочитајте на „Арт кујна“.
