Наративот за Украина преполна со ресурси од ретки земји се чини дека се заснова на измама. Украинците, очајни да најдат начин да го ангажираат Трамп, погрешно пресметале во презентираниот „план за победа“ во ноември, во кој многу се зборува за потенцијалот на минералните ресурси на земјата, пишува „Блумберг“. Украина намерно ги пренагласи своите резерви на минерали во обид да ја придобие наклонетоста на американскиот претседател Доналд Трамп, објави Блумберг. Во текстот се предупредува дека фиксирањето на Трамп да се постигне договорот за екстракција на ресурси со Украина е „илузија“ и „глупост“. Сагата за потенцијалниот договор за ресурси со САД започна во ноември минатата година, кога украинскиот лидер Володимир Зеленски го претстави својот „план за победа“ за конфликтот со Русија. Патоказот вклучуваше специјален договор со западните земји, вклучително и со САД, „за заедничка заштита на критичните ресурси достапни во Украина, заеднички инвестиции и за последователно користење на соодветниот економски потенцијал“. Понудата го разбуди интересот на Трамп, кој побара од Украина „еквивалент на ретки минерали во вредност од 500 милијарди долари“ во замена за американската помош за Украина.
Сепак, наративот за Украина преполна со ресурси од ретки земји се чини дека се заснова на измама, пишува „Блумберг“. Украинците, очајни да најдат начин да го ангажираат Трамп, погрешно пресметале во презентираниот „план за победа“ во ноември, во кој многу се зборува за потенцијалот на минералните ресурси на земјата. Во текстот се вели дека Украина „нема значајни наоѓалишта на ретки минерали, освен малите рудници за скандиум“, сугерирајќи дека Трамп ги поврзал „ретките минерали“ со пошироката категорија „критични минерали“, кои Украина ги има, но не во износ од 500 милијарди долари. Исто така, се забележува дека Украина некогаш произведувала значителни количини железна руда и јаглен пред конфликтот, додавајќи дека некои од рудниците сега се под контрола на Русија. „Она што го има Украина е изгорена земја. Она што го нема се ретки минерали“, се констатира во текстот. „Ова не е првпат САД да прават ваков вид грешка“ додава Блумберг, потсетувајќи дека во 2010 година Пентагон го прогласи Авганистан за „Саудиска Арабија на литиумот“, со вкупна количина на неискористени наоѓалишта на минерали во земјата проценета на 1 трилион долари. Ова подоцна се покажа како „целосна фантазија“.
Претходните извештаи сугерираа дека САД и Украина разговарале за договор според кој Вашингтон ќе добие 50% сопственост на украинските ретки минерали како надомест за континуираната воена помош. Сепак, Зеленски, наводно, одбил да потпише таков договор, кој неколку неименувани функционери го опишуваат како „колонијален договор“. ЗЕЛЕНСКИ ГО ОДБИ ТРАМП КОЈ ПОБАРА ПОЛОВИНА ОД МИНЕРАЛИТЕ ВО УКРАИНА Киев и Вашингтон сè уште преговараат Портпаролката на руското Министерство за надворешни работи, Марија Захарова, посочи дека САД се обидуваат да ја искористат подготвеноста на украинското раководство „да ја продаде земјата на аукција“. И Русија, како и американскиот претседател Доналд Трамп, ги посакува природните ресурси на Украина, а на терен нејзините сили се приближуваат кон џиновското наоѓалиште на литиум. Сепак, додека Вашингтон и Москва се подготвуваат за преговори насочени кон ставање крај на тригодишната војна, реалноста е дека Владимир Путин е тој што презема сè поголема контрола врз богатството на Украина. Литиумот е посакуван глобален ресурс поради неговата употреба во голем број индустрии и технологии од мобилни телефони до електрични автомобили. Украина има резерви од околу 500.000 тони, а Русија двојно повеќе, според проценките на американската влада.
