Украинскиот претседател Володимир Зеленски пристигна на Даунинг стрит на средба со Кир Стармер. Насобраните граѓани го поздравија со овации додека претседателската колона сврте од Вајтхол. Сер Кир Стармер „намерно“ одеше неколку метри на улица за да го поздрави Зеленски, пишува Sky News. Двајцата лидери потоа влегоа во Даунинг стрит 10 на разговори, кои добија дополнителна тежина по вчерашната катастрофална средба на Зеленски со Доналд Трамп. Зборувајќи во моментот кога двајцата лидери се прегрнаа, британскиот премиер сакаше сликата да го обиколи светот, пренесува Sky News. Кир Стармер, кој вообичаено не сака физички изрази на блискост, ги рашири рацете и го прегрна претседателот Зеленски во прегратка што беше дизајнирана да биде видена низ целиот свет, а особено во Белата куќа.
Таа прегратка ја држеше извесно време за да се осигура дека никој не може да се сомнева на чија страна бил тој, Кир Стармер, во овој конфликт, без разлика на позициите на американскиот претседател и потпретседател, додава британскиот портал. Стармер му порача на Зеленски: Ќе бидеме со тебе до крај Кир Стармер и Володимир Зеленски сега заминаа на приватна средба. Сепак, непосредно пред да исчезнат од видик, двајцата лидери разменија неколку зборови пред камерите, свртувајќи се кон насобраните граѓани кои ги пречекаа пред Даунинг стрит, британскиот премиер му рече на Зеленски: „Ја имате целосната поддршка од целото Обединето Кралство и ние ќе стоиме покрај вас и Украина онолку долго колку што е потребно. Зеленски им се заблагодари на Стармер и на народот на Велика Британија за нивната поддршка од почетокот на војната.
