Се работи за инвентивен стил на творење со комбинации од различни вештини и стилови на сликање што захтева многу повеќе труд од класичното сликарство. Сашо Блажес слика на големи церади работени на под, и неговите слики имаат многу симболики и ефект на слика во слика ако се гледаат посебните сегменти. Вечерва со почеток во 20:00 часот ќе се одржи изложбата на ликовниот уметник Сашо Блажес насловена „Нурни во мене“ или како што тој вели поточно „Далдисај во мене“. Неговите две претходни самостојни изложби беа во Париз и во Венеција, а денеска ќе можеме да ги видиме неговите дела и во Скопје во Музеј на Град Скопје.
Се работи за инвентивен стил на творење со комбинации од различни вештини и стилови на сликање што захтева многу повеќе труд од класичното сликарство. Сашо Блажес слика на големи церади работени на под, и неговите слики имаат многу симболики и ефект на слика во слика ако се гледаат посебните сегменти. Исто така има додадено и текстура со нанесување на смола за ефектот ако посетителите ги допрат сликите и со рака да има ефект на вистински рељеф. Се работи за колосални дела и од уметничка вредност и во природна големина. Ќе бидат изложени 8 дела изработени во комбинирани техники и една склутпура изработени во 2024 и 2025 година.
Самиот уметник Сашо Блажес (Сашо Блажески) живее и работи во Охрид. Има дипломирано во 2006 година на Универзитетот за Ликовни Уметности во Букурешт, Романија, за време на студиите има работено на катедрата за графика бил вклучен во неколку универзитетски трудови во оваа област на Универзитотот. Зад себе има реализирано шеснаесет самостојни изложби во Македонија и светот, а исто така има учествувано во голем број групни изложби во Австрија, Романија, Шведска, Јапонија, САД, Канада, Италија и Бугарија. Неговите дела се наоѓаат во неколку приватни колекции во Норвешка, Франција, Германија, Романија и Австрија.
На неговиот Facebook профил може да се види целосната рецензија на Камило Ракана ликовен критичар од Париз. Цитат од дел од рецензијата што професионално го објаснува концептот на целиот даден дискурс на Сашо Блажес преку претстојната изложба. “Корпусот на тековната изложба „Нурни во мене“ во Скопје е содржан во три типа на дела: квадранти, дела изработени на церада и метален волумен.“. Квадрантите се насликани со масло, акрил и смола на платно. Тие се издвојуваат по својот формат и по нивното одвојување од црно-белото дело, формирајќичетири дела со богата хроматика, со бои кои имаат длабоко значење за уметникот.
Петтото дело е дел од монохроматскиот ‘’Бел Меркур’’, дело на кое лежат долги и густи потези на црната боја. Тоа се траги чиј цртеж открива едно неверојатно присуство на портрет,со лице и торзо. Оваа слика на човечка форма се раѓа од‘’Бел Меркур’’ ,како рефлексија на месечината, живототворна течност истурена на дланката. Насловот на делото е „Сребро во сенки“.Начинот на кој започнува создавањето на „сликарската шема“ е токму тогаш кога едно „безбојно“ дело ги организира останатите четири слики.Околу таа оска, четирите чудни хроматски квадранти изгледаат како да се вртат.Во нив, бојата се појавува за да ги прикрие интимните сцени — кои излегуваат наповршина тогаш кога брановите на боја не успеваат да го прекријат платното.” Секако ова е само дел од описот на серијата на дела инкорпорирани во целина што рефлектира симболики околу алегории за Охридското Езеро, човековото постоење и многу други концепти на модерното живеење и хронологија низ времето и цел корпус од разновидни начини на ликовен израз што може да се проникнат низ симболиките на дела самата изложба на Сашо Блажес вечерва. Изложбата и поставката ќе трае од денеска до 28ми Мај. Извор: Новинска агенција МЕТА
