☞ На велосипедската трка која е влезена во календарот на велосипедски трки на Велосипедската федерација на Македонија и се бодува за купот на нашата земја земаа учество околу 70-тина професионални велосипедисти од цела држава во 6 категории: У-23, јуниори, жени, кадети, мастерс и елит.
Пред трките во професионалните категории, заедно со голем број на љубители на велосипедизмот учествуваме во трката за рекреативци.
Ја имав честа по трките да им ги доделам наградите на најдобрите на денешните трки, а за одличната соработка со Велосипедска Федерација на Македонија и поради нашиот придонес во развојот и промоцијата на велосипедизмот, ми беше доделена благодарница.
Сакам да се заблагодарам на Велосипедската федерација на Република Македонија за одличната организација на денешната трка. Им се заблагодарувам на сите учесници во трката, а секако и честитки за најдобрите за постигнатите резултати.
Општина Илинден е пријател на спортот и ќе продолжиме со нашата поддршка на спортот, спортистите, спортските работници и спортските клубови!
