Иран издаде предупредувања за евакуација за израелските новински TВ-канали откако Израел ја нападна зградата на иранската државна телевизија, објави иранската државна телевизија.
„Иран издаде предупредување за евакуација за израелските канали N12 и N14. Оваа наредба доаѓа како одговор на непријателскиот напад на ционистичкиот непријател врз радиодифузната служба на Исламската Република Иран“, објави државната телевизија.
Израелските одбранбени сили (ИДФ) извршија претходно денеска напад врз Информативната мрежа на Исламска Република Иран (ИРИНН), управувана од државниот радиодифузер ИРИБ, објавија израелските медиуми. Според нив, програмата на државната државна телевизија на Исламска Република Иран е во прекин.Нападот уследи откако израелскиот министер за одбрана Израел Кац изјави дека „иранскиот мегафон на пропаганда и поттикнување е на работ на исчезнување“.
