Израелските напади врз Иран од почетокот на минатата недела убија повеќе од 400 луѓе, соопшти во саботата иранското Министерство за здравство, наведувајќи нов број на жртви.
„До утрово, израелските напади одзедоа животи на повеќе од 400 беспомошни Иранци, а 3.056 други се ранети од ракети и беспилотни летала“, напиша на мрежата X портпаролот на министерството за здравство, Хосеин Керманпур.Денеска попладне неколку силни експлозии содекнале во југозападниот ирански град Ахваз, јавуваат светските агенции.
Ахваз е главен град на покраината Хузестан, која граничи со Ирак и е главен регион за производство на нафта во Иран. Израелската војска претходно објави дека напаѓа „воена инфраструктура“ во југозападен Иран.
