КАЗНЕТИ 18 ДОМОВИ ЗА СТАРИ ЛИЦА, НЕМАЛЕ ДОЗВОЛА ЗА ОПЕРАТОРИ СО ХРАНА Инспекторите нашле лоша хигиена, непрегледани вработени и неправилно работење

02/02/2025 12:18

Од пет оператори се запленети и уништени 40 килограми небезбедна храна, соопшти Агенцијата за храна и ветеринарство. Инспекциските служби на Агенцијата за храна и ветеринарство (АХВ) од 29 до 31 октомври спроведоа вонредни инспекциски надзори во 41 дом за стари лица во земјава. Со контролите е утврдено дека 14 од нив не биле воопшто регистрирани како оператори со храна во Агенцијата, соопшти АХВ.

„Издадени се 16 решенија со наредби за отстранување на утврдени недоследности, од кои кај четири оператори за незадоволителни хигиенски барања, а кај три оператори е утврдено дека вработените немале спроведено задолжителен здравствен преглед. Изречени се и парични кази за 18 оператори“, соопшти Агенцијата за храна. Од пет оператори се запленети и уништени 40 килограми небезбедна храна, се додава во соопштението.

Најново

Вчитувам....