Нашиот свет денес претрпува забрзани промени, невидени за еден век и има влезено во нова фаза на неизвесност и трансформација. Откако состојбата со епидемијата постепено се стабилизираше во 2023 година, некои западни политичари и тинк-тенкови сметаат дека ситуацијата внатре и надвор од Кина се соочува со сложени и тешки услови на повеќе нивоа, невидени со децении, па дури и обвинуваат дека Кина ја влече надолу светската економија. Како што истакна претседателот Си Џинпинг на Бизнис форумот БРИКС во 2023 година, „Кинеската економија е отпорна, ветувачка и динамична, а нејзината долгорочна позитивна основа нема да се промени, така кинескиот економски брод ќе продолжи да плови на поволниот ветер и бранови. Ставајќи ја Кина во глобалниот координатен систем за споредба, можеме да видиме дека таа има многу предности и поволни услови.
Предноста на снабдувањето на комплетниот индустриски систем на Кина продолжува да ја обликува „силната отпорност“. Кинеската економија претставува море, а не мало езерце. Така, по повеќе од 70 години на градење во големи размери, Кина се има трансформирано од земја без речиси никаква модерна индустрија во најголемата производствена земја во светот денес. Вредноста на производството во 2010 година ја надминува онаа на САД и веќе многу години рангирана е на првото место во светот. Во исто време, производствениот систем на Кина е релативно комплетен. Таа е единствената земја во светот која поседува индустриска класификација за сите наведени индустриски категории според класификациите на Обединетите нации. Електричните возила со екипаж, литиумските батерии и соларните ќелии се „трите нови работи“ за извоз. Домашниот авион C919 за прв пат има започнато со „dual-aircraft комерцијална работа“. Првата домашна гасна турбина од F-класа од 50 мегавати официјално е ставена во комерцијална работа, а големиот амфибиски воздухоплов „Кунлонг“ е најголемиот во светот. „Кунлонг“ има способност да извршува противпожарни мисии …… Економската, научната и технолошката сила на Кина, како и сеопфатната национална сила се имаат искачено на ново ниво, не само за кинеската економија да се стекне со висок степен на издржливост, туку и да придонесе во култивирањето на новиот стимул за глобален развој.
Развојот на Кина се должи на предноста која потекнува од големиот број на висококвалитетни таленти кои постојано ја обликуваат „стапката на виталноста“. Придржувајќи се до развој на образованието, до научни и технолошки иновации и култивирање на таленти во целина, претприемачите храбро служат како движечка сила за висококвалитетен развој, со просечно 24.000 новорегистрирани претпријатија на ден во 2022 година, со вкупно 170 милиони играчи на пазарот, 400.000 високотехнолошки претпријатија, 762 претпријатија на листата на топ 2.500 компании во светот кои инвестираат во истражување и развој и повеќе од 300 unicorn-претпријатија. Со работоспособна популација од околу 880 милиони и ресурси на таленти од 220 милиони, во 2022 година ќе има околу 36,59 милиони додипломци и 3,65 милиони постдипломци, што ја прави една од светските водечки бази за култивирање на врвни таленти. Талентите ја предводат иницијативата за иновации. Глобалниот индекс за иновации за 2022 година покажува дека бројот на групите за технологија во Кина кои влегуваат во топ 100-те во светот достигна до 21, што е на исто ниво со оној на САД. Голем број на интернационални студенти и високо квалитетни прекуокеански таленти се имаат вратено во Кина поради понатамошен развој. Новите 24.000 странски инвестирани претпријатија основани во првата половина на 2023 година, претставуваат зголемување од 35,7% на годишно ниво. Повеќе од 4.000 странски претпријатија се одлучуваат да функционираат во Кина секој месец.
Предноста на побарувачката на Кина за мега-пазар продолжува да го обликува „високиот потенцијал“. Како што истакна претседателот Си Џинпинг на Бизнис форумот БРИКС 2023 година, „Ние сме посветени на имплементацијата на новиот развоен концепт и градење на нова шема за развој“. Потпирајќи се на предноста на најветувачкиот мега-пазар во светот и активното проширување на домашната побарувачка при стабилизација на надворешната побарувачка, вкупната малопродажба на Кина на стоки за широка потрошувачка во 2022 година ќе биде околу 44,0 трилиони јуани, или околу 6,5 трилиони американски долари по просечен девизен курс, надминувајќи го јапонскиот БДП истата година. Во првите седум месеци, вкупната малопродажба на стоки за широка потрошувачка се има зголемено за 7,3% на годишно ниво, додека малопродажбата на услуги се има зголемено за 20,3% на годишно ниво, што ја покажува виталноста на потрошувачкиот пазар. Во првата половина на годината биле отворени 6,78 милиони нови работни места во урбаните средини, расположливиот приход по глава на жител пораснал за 5,8% во реални услови, бројот на интернет корисници во Кина достигнал 1,079 милијарди, повеќе од половина од светските електрични возила се возат во Кина, Кина го има снабдено светот со 50% од опремата за енергија добиена од ветер и 80% од фотоволтаичната опрема, притоа енергично заштитувајќи ги разновидните и стабилни меѓународни економски модели и економските и трговските односи.
Извонредната предност на кинескиот систем да обезбедува што поголемо совршенство продолжува да ја обликува „позитивната енергија“. Преку сеопфатното продлабочување на реформите, воспоставена е основната институционална рамка за различни области, а на многу полиња се реализирани историски промени, систематско преобликување и севкупна реконструкција. Политичкиот систем на Кина има многу суштински предности, кои и овозможуваат да ги концентрира своите сили за да направи големи работи, а особено да обезбеди социјална стабилност и единство што е примарен предуслов за брз и стабилен економски раст на земјата. Новиот круг на научна и технолошка револуција и индустриска трансформација бара голем обем на инвестиции во материјален и човечки капитал, широк опсег на сценарија за примена, како и интегрирана промоција на технолошкиот напредок, индустриска трансформација, проширување на пазарот и надградба на побарувачката. Развојот на кинескиот систем за управување со силна мобилизирачка и организациска моќ ќе ја максимизира мобилизацијата на ентузијазмот, иницијативата и креативноста на сите страни, ќе промовира подобра комбинација на ефективен пазар и компетентна влада и ќе даде целосна претстава за предностите на новиот тип на државен систем кој ќе се фокусира на надминување на технолошките потешкотии и постигнување на големи технолошки откритија, ќе се спротивставува на „градење ѕидови и подигање бариери“, на„одвојување и кршење на синџири“ и цврсто го поддржува правото на развој на сите држави.
Кина продолжува да го обликува „широкиот простор“ поради својата отвореност за споделување на иста судбина. Како што истакна претседателот Си Џинпинг на Бизнис форумот БРИКС 2023 година, „Гледајќи напред, додека кинеското население од 1,4 милијарди се движи кон модернизација, Кина сигурно ќе даде поголем придонес во светската економија и ќе обезбеди повеќе простор за деловните заедници од целиот свет.“ Промовирањето на висококвалитетната изградба на „Појас и пат“ го има привлечено учеството на повеќе од три четвртини од државите во светот и 32 меѓународни организации, ги има зголемено инвестициите од речиси еден трилион американски долари, а линеарниот воз Кина-ЕУ се има поврзано со повеќе од 200 градови во 25 европски држави, што ја прави Кина главен трговски партнер на повеќе од 140 земји и региони. Соочена со порастот на протекционизмот и антиглобализацијата, Кина спроведува брилијантна дипломатија од страна на државниот врв, високо ниво на отвореност, ја оптимизира трговската структура и отвара нов простор за взаемно корисна соработка со странските земји.
Исто така, се залага за имплементација на иницијативи за глобален развој, безбедност и цивилизација, при тоа поддржувајќи ги Обединетите нации и Светската трговска организација (СТО) да играат подобра улога и го проширува влијанието на механизмите за соработка како што се Шангајската организација за соработка (SCO) и БРИКС, со цел да се создаде подобро утре за светот.Економското закрепнување е процес на брановиден развој и накрсно делување. Така БДП-то на Кина расте за 5,5% на годишно ниво во првата половина од годината, што е еден од највисоките добиени параметри меѓу најголемите светски економии. Светската банка во 2023 година очекува глобалната стапка на економски раст да биде 2%, што претставува пад од 1 процентен поен на годишно ниво, додека прогнозите од страна на Светската банка, ОЕЦД и Меѓународниот монетарен фонд за стапката на економски раст на Кина во 2023 година се 5,6%, 5,4% и 5,2% соодветно, а придонесот на Кина во глобалната стапка на економски раст ќе достигне околу 1/3. Искористувајќи ги можностите на новиот бран на научната и технолошката револуција, како и индустриските промени, позицијата на Кина како локомотива во светската економија ќе се задржи уште долго време.
Колумна на амбасадорот на Република Кина во Македонија, Џанг Ѕуо,
ИЗВОР ФАКТОР.МК
