Комеморативна седница на АУЕ – ФОН по повод прераната смрт на проф. д-р Назми Малиќи, нашиот долгогодишен професор и поранешен декан на Факултетот за политички науки и дипломатија, на која присуствуваа членови од неговото најблиско семејство, роднини, пријатели, колеги, студенти, како и основачите и управата на Универзитетот;
„Влијанието на професор д-р Назми Малиќи се прошири многу подалеку од предавалните. Тој беше ментор, водич и пријател на своите ученици. Тој беше ментор, водич и пријател со татковска грижа за своите помлади колегии, за чиј научен напредок се залагаше со ист одсјај во очите како и кога зборуваше за успесите на сопствените деца„ – истакна ректорката, проф.д-р Билјана Пулеска Јанушевска;Според деканката на Факултетот за правни и политички науки, проф.д-р Сејдефа Џафче, прераната и ненадејна смрт на професорот Назми Малиќи ги потресе сите што го познаваа. Професорот беше олицетворение на скромност, чесност и хуманост. Неговиот професионален живот е со исклучително богата содржина, сочинета од значителен научно-истражувачки опус, научна и педагошка дејност, раководни позиции и значајни општествени функции;„Универзитетот за татко ми беше голема одговорност. Тој никогаш не се штедеше. Секогаш инсистирал на праведност, достоинство и поддршка, како дел од неговиот карактер. Мојот драг татко остави многу, не само за нас, односно семејството, туку и за колегите, студентите… Високите стандарди кои тој ги постави, сè гордост, но и вистински предизвик. Знаеме дека останаа многу нерелеазирани планови, но иднината е непредвидлива“ – изјави Дритон Малиќи, синот на професорот Назми Малиќи;„Неговиот труд, неговите дела, неговиот несебичен придонес… ни оставија аманет, а ние нема да го заборавиме никогаш. Професорот Малиќи имаше чиста душа и гледаше на работите визионерски. Сето она што тој го вложи на Универзитетот, имаме обврска да го пренесеме на следните генерации, со што ќе покажеме почит кон една личност која никако нема да се заборави“ – истакна во своето обраќање, генералниот директор на АУЕ – ФОН, м-р Сефер Цаноски.
