Компанијата Фреш Лине, која веќе е широко препознатлива по своето квалитетно и внимателно селектирано портфолио што го сочинуваат бессемената лубеница, јапонското јаболко и зелката, отсега се збогатува со уште еден производ што ги освојува домашните и странските пазари.
-Со гордост можеме да кажеме дека младиот кромид стана дел од ова успешно и препознатливо портфолио. Оваа иницијатива произлегува како одговор на зголемениот интерес од нашите доверливи партнери, кои го препознаа потенцијалот и квалитетот на овој свеж и нежен пролетен производ. Од самиот старт, младиот кромид наиде на одличен прием на пазарот во Србија, каде што е веќе присутен во продажните мрежи. Особено радува и фактот што се појавува голем интерес и од скандинавските пазари, особено од Шведска, што укажува на сè поголемото препознавање на македонските свежи производи на меѓународната сцена, велат од компанијата.
Првичната откупна цена за младиот кромид изнесуваше 75 денари, а моментално е коригирана на 70 денари, согласно движењата на пазарот и конкурентноста во регионот. Со ова, Фреш Лине не само што го збогатува својот асортиман, туку повторно го демонстрира својот ангажман во поврзување на македонските земјоделци со стабилни и доверливи извозни канали.
-Нашата визија останува јасна – да ги поставиме домашните производи на вистинските пазари, со акцент на квалитет, одржливост и партнерска доверба. Продолжуваме со истиот ентузијазам и посветеност – за да го направиме секој нов производ уште една успешна приказна – изјавија од компанијата.
