Курти го повтори ставот дека Косово и Србија веќе постигнале договор за нормализација, кој, како што рече, Белград го прекршува, а во исто време ги повтори барањата на Косово за овој процес.
„За да се нормализираат односите меѓу нашите две земји, тие прво треба да им го предадат на властите на нашата држава Милан Радоичиќ, криминалецот што го уби нашиот полициски наредник, херојот на Косово, Африм Буњаку. Потоа, тие треба да се согласат да го потпишат Основниот договор со Анекс за имплементација. Во исто време, тие го повлекуваат и тоа писмо од декември 2023 година, кога поранешната [српска] премиерка Ана Брнабиќ изјави дека не го почитува територијалниот интегритет на Косово“, рече Курти.
На 15 јуни, Трамп напиша на Truth Social дека за време на неговиот прв мандат како претседател, Косово и Србија „се движеле кон голем конфликт“ и дека војната била на работ да избувне, но додаде дека тој ја спречил. Тој го обвини својот тогашен наследник, поранешниот претседател Џо Бајден, дека „ја оштетува долгорочната перспектива со некои многу бесмислени одлуки“ и рече дека „ќе ја поправи, повторно“.За време на првиот мандат на Трамп, во 2020 година, Косово и Србија постигнаа договор за економска нормализација во Белата куќа. Овој договор, кој вклучуваше израелско признавање на независноста на Косово, не е целосно имплементиран.
Договорот за патот кон нормализација на односите не беше потпишан, бидејќи Србија одби да го стори тоа. Но, Европската Унија (ЕУ) – која посредува во дијалогот меѓу Косово и Србија – инсистира дека договорот е обврзувачки за двете страни.Договорот од 11 члена, меѓу другото, предвидува ниво на самоуправа за српската заедница во Косово, меѓусебно признавање на државните симболи, така што Србија нема да го блокира членството на Косово во меѓународните организации, а од Приштина и Белград се бара да ги спроведат и сите претходни договори постигнати за време на дијалогот.
