Блиските на починатите во најавата за маршот истакнуваат дека тој е организиран за искажување почит кон починатите и барање на правда. Семејствата на починатите од пожарот во дискотеката „Пулс“ во Кочани денеска организираат протестен марш под мотото „Марш за ангелите“, закажан за 12 часот и 5 минути. Маршот ќе започне Паркот на Револуцијата, ќе продолжи кон трговскиот центар и кон зградата на Општината, полициската станица и Основниот суд и Обвинителството.
Блиските на починатите во најавата за маршот истакнуваат дека тој е организиран исклучиво од семејствата, како и дека не е за поддршка на лицата од обезбедувањето во дискотеката, туку за искажување почит кон починатите и барање на правда. Семејствата велат дека правдата за нивните деца ќе ја бараат до последниот здив, како и дека очекуваат брза и непристрасна истрага и судска постапка. Денеска во Кочани ќе се одржи уште еден протест под називот „Ваш профит – наши животи“, кој е закажан за во 15 часот и 59 минути и ќе се одвива пред истите институции како и претходниот. Извор: Новинска агенција МЕТА
